eSWe Sidi :

BEDHUG

Tangia

Bedhug wus ngundang sliramu subuh mau

Geneya sliramu malah kasmaran marang impen

Tangia

Impen iku mung wewayangan

Ora bakal bisa kagrayang

Ungaken srengenge,

Jumedhul, tengange, nuli sore

Sowana marang Panjengane

Thuthuken bedhug ing jiwamu

Kang suwarane ora winates

Mlumpat pereng-pereng,

 nembus cakrawala kelanggengan

Omah Geguritan, 15 Ramadan 1445